Nog nait hailemoal in balans

Anjolt het n weke of wat leden n boetenlandse sjefeur, omreden e pech zee te hebben, in hoes hoald. Ketriene dij de zoak nait vertraauwde het dou plietsie bèld. De konsternoatsie, dij dat opleverd het, ontstond, dou Ketriene zulf ook mit noar t bero mos. As Ketriene op n dag mit heur vrundin, dikke Geertje mit d’stokken aan d’loop gaait, gebeuren d’r onderwegens male dingen. Zokse male dingen, dat d’plietsie inschoakeld wordt. En terwiel Anjolt thoes rusteg zien middagsloapje dut, wordt Ketriene van sportieve wandeloarster n dikke brokkenpiloot. Hou t kommen is en oft aal goud òflopt, is den ook mor de vroage.