Op vekansie oftewel de biezundere belevenizzen van drij femilies in t boetenlaand

Drij femilies goan in de zummervekansie noar t boetenlaand. Ze worden deur twij dörpsgenoten, n brugwachter en n viskeman, oetzwaaid. Op d’oavend, veurdat de raaize begunt, goan alle drij stellen eerst nog noar de revue van toneelverainen. Dij het n groot feest organiseerd veur alle inwoonders van t dörp. As de zunne in t dörp weer begunt te schienen, binnen de drij femilies al laank op weg noar verschillende steeën in Europa. d’Avonturen, dij ze doar beleven, binnen opmaarkelek en biezunder, soms angsteg en òf en tou best gevoarlek. Mor gelokkeg komt alles aan t inde toch weer goud en is elkenain weer bliede dat e terogge is op t old stee.