Massage-salon Striekershörn

Jan Boer het n boerenbedrief, dat slecht draait. Hai zöcht wat aans, tegen de wil van zien moeke Triene. Hai vragt aan zien kammeroad, de wetholder Haarmhinderk om wat plannen oet te waarken. n Windmolenpaark stuit op grote beswoaren van de dörpsbewoonders, veural van buurman Paiter. Oeteindelk wordt de keuze moakt om n massage-salon in d’boerderij onder te brengen. Dat betaikent dat elkenain vanòf dat moment n aandere rol toubedaild krigt. En dat gaait nait aaltied van n laaien dakje. d’Eerste gasten in massage-salon ‘Striekershörn’ kriegen den ook n haile spesioale behandeling.