De affaire

Een journalist die blind carrière perbeert te maken, twee vrouwelijke politici die mekaor de tent uutvecht en een subsidiefraude van jewelste, dat bint de explosieve ingrediënten van dizze körte roman van Tieme Woldman.

Het verhaol is inspireerd op een waorgebeurd schandaol (de Eurochamp-affaire) dat al meer as tien jaor de Drentse politieke gemoederen bezig holdt.

De titel ‘De Affaire’ slat zowal op het fraudeschandaol as op de escapade van een journalist die geheime stukken over de fraude toespeuld kreg. Met informaotie die hij via het bedde verkreg, mak de journalist rap naom en lonkt hum grote roem. Maor hij stek zich ok in een wapsennust van macht, seks en intrige waor gien ontsnappen meer uut meugelk is. Ondaanks dat e alles op het spel zet. Of is er toch nog een uutweg?