As het er toe döt

In een meinsenleven bint der twee dingen zeker. Ie wordt geboren en ie koomt uut de tied. Het eerste is een feest, het tweede een droevige gebeurtenis, waorbij naost verdriet ok hiel veul geregel op de naobestaonden ofkomp. Miestal wilt zij het ofscheid organiseren in de geest van het leven van de overledene. Der wordt kaorten besteld, der wordt advertenties eplaatst en der komp een ofscheidsdienst, of juust niet. Bij een persoonlijke invulling kan de streektaal een belangrieke rol vervullen. In ‘As het er toe döt’ viendt naobestaonden veurbeelden en ideeën veur teksten in het Drents. Van rouwkaortveurbeelden tot gedichten en bedaankkaorties. Een gebruuksboekie um in een moeilijke tied praktische zaken wat gemakkelijker te maken.