Café le Crudenier oftewel Hou Kris Trui terogge von

Janske het n kaffee, dat nait zo goud lopt. Doarom het e n gedailte van de kroug ombatterijd tot krudenierswinkel. Hai het t òf en tou drok, omreden e van d’aine noar d’ander winkel vlaigen mout. Nomdo is n vaste klant in t kaffee. Truitje, zien vraauw is doar nait zo wies mit. Dat zörgt veur de neudege roezies. Truitje beslot hom, in gezelschop van heur vrundin Geessie, in t kaffee op te zuiken. Tiedens dat bezuik trevven ze Kris. Gain Italioan of Spanjoard, mor gewoon n Pekelder. Kris het noa n dag stief waarken zin in n kop kovvie. Truitje het sneller as Kris deur, dat Kris n olde vlam oet heur jeugd is. En doar is Nomdo t weer nait zo mit ains. Dat geft ook weer roezie, nou tussen baaide manlu. Oft aal weer goud komt, duudlek is, dat in dizze verwikkelns de meziek n haile belangrieke rol speult.